7 yanvar kuni Ispaniya Superkubogi yarim finalining dastlabki uchrashuvi bo‘lib o‘tdi. Unda “Barselona” jamoasi “Atletik Bilbao” ustidan 5:0 hisobida ishonchli g‘alabaga erishib, musobaqa finaliga chiqdi.
Saudiya Arabistonidagi “Al-Minā” stadionida bo‘lib o‘tgan bahsda kataloniyaliklar dastlabki bo‘limdayoq raqib darvozasiga to‘rtta gol kiritdi. Ferran Torres, Fermin Lopes, Runi Bardaji va Rafinya gol mualliflariga aylandi. Ikkinchi bo‘limda esa Rafinya dubl qayd etib, uchrashuvdagi so‘nggi golni urdi.
Shu tariqa, “Barselona” Ispaniya Superkubogi finalida ishtirok etadi. Hal qiluvchi bahsda jamo “Real Madrid” va “Atletiko Madrid” o‘rtasidagi yarim final g‘olibiga qarshi maydonga tushadi. Mazkur uchrashuv 8 yanvar kuni bo‘lib o‘tadi.
