O'zbekiston futbol assotsiatsiyasi italiyalik mutaxassis
Fabio Kannavaro bilan rasmiy shartnoma imzolaganini e'lon qildi. Kannavaro terma jamoa bilan Jahon chempionati-2026 musobaqasiga tayyorlaydi.
O'FA ma'lumotiga ko'ra, 2006 yilgi Jahon chempioni, taniqli himoyachi va murabbiy Fabio Kannavaro O'zbekiston milliy terma jamoasiga bosh murabbiy etib tayinlandi. U jamoa bilan AQSh, Kanada va Meksikada o'tadigan navbatdagi Jahon chempionatiga olib chiqish uchun ish boshladi.
Kannavaroning murabbiylar shtabi quyidagilardan iborat:
Aujenio Albarella – yordamchi murabbiy,
Troize Fransesko – jismoniy tayyorgarlik bo'yicha mutaxassis,
Antonio Kimenti – darvozabonlar murabbiyi.
Ma'lumot uchun, Kannavaro ilgari Xitoy terma jamoasi, "Benevento", "Udinese" va "Dinamo Zagreb" klublarini boshqargan. Uning boy tajribasi O'zbekiston MTJ uchun muhim ahamiyatga ega bo'lishi kutilmoqda.
Eslatib o'tamiz, Kannavaro va uning shtabi avvalroq Toshkentga yetib kelgani haqida xabar berilgan edi.
