2024 yil Yevropa aviatsiyasi uchun rekord darajadagi kechikishlar bilan esda qoldi — reyslar o‘rtacha 18 daqiqaga kechikmoqda. Eng ko‘p kechikishlar Germaniya, Frantsiya, Gretsiya va Ispaniyada kuzatilmoqda.
Yevrokontrol ma’lumotlariga ko‘ra, bunga Ukraina urushi sababli oshgan harbiy parvozlar, parvozga ruxsat berilmaydigan zonalarning kengayishi va iqlim o‘zgarishi tufayli ob-havoning yomonlashuvi sabab bo‘lmoqda.
Shuningdek, aeroportlarda dispetcherlar yetishmovchiligi va ishchilarning ish tashlashlari ham parvozlar kechikishiga olib kelmoqda. Faqat Germaniyaning o‘zida aviakompaniyalarga qarshi 131 ming sud da’vosi ochilgan.
