Ijtimoiy tarmoqlarda Malibu mashinasi 106 marta “oxirgi zarurat holatida qoida buzgan” deb topilgan va barcha jarimalar bekor qilingani haqida xabarlar tarqaldi. Holat yuzasidan Farg‘ona viloyati IIB rasmiy munosabat bildirdi.
Unga ko‘ra, holat yuzasidan muqaddam fuqaro O‘.A. arizasiga asosan Farg‘ona viloyati IIB Jamoat xavfsizligi xizmati tomonidan xizmat tekshiruvi o‘tkazilib, Yo‘l harakati xavfsizligi xizmati boshqarmasining besh nafar xodimiga nisbatan intizomi jazo tayinlangan.
Shuningdek, Malibu-2 rusumli 40 081 SBA davlat raqamli avtotransport vositasida sodir etilgan barcha qoidabuzarliklar bo‘yicha jarimalar belgilangan tartibda undirilgan.
