Oliy Majlis Qonunchilik palatasi spikeri o`rinbosari Alisher Qodirov O`zbekistonda tirbandliklarning oldini olish uchun xususiy transport vositalar maqomini hal qilish kerakligi haqida gapirdi.
"Yo`llardagi tirbandlikni bartaraf etish, atmosfera havosi ifloslanishini oldini olish, ekologiyani asrash usun jamoat transportidan foydalanishni qulay, tartibli va arzon qilib, xususiy transportlarga ayrim xizmatlarni qimmatroq qilish kerak", - deydi "Milliy tiklanish" partiyasi etakchisi.
Shuningdek, Alisher Qodirov bu boradagi chet el tajribasini ham eslatib o`tdi.
"Xitoyda avtomashinani sotib olish qiyin emas, chunki narxni o`zi belgilab ololmaydi. Jahon savdo tashkiloti talablari bor. Lekin avtomobildan foydalanish va unga xizmat ko`rsatish juda ham qimmat. Bunda "parkovka", pullik yo`llar, soliqlar orqali avtomobildan foydalanishni qimmat qilib qo`ygan. Singapurda ham shunday",–deydi deputat.
Uning fikricha, Transport vazirligi jamoat transportini qulay, arzon, tartibli qilish bilan birgalikda xususiy transport jozibadorligi masalasida jiddiy takliflar ishlab chiqishi kerak.
