Hindiston g`arbida mikroavtobus bilan sodir bo`lgan YTH oqibatida 12 kishi halok bo`ldi, 23 kishi jarohatlandi. Bu haqda Zamon.uz xabar berdi.
Voqea Mumbaydan 350 km sharqda joylashgan tumanda sodir bo`lgan. 35 kishini olib ketayotgan mikroavtobus haydovchisi boshqaruvni yo`qotdi, shundan so`ng transport vositasi yo`lda turgan axlat konteyneriga borib urilgan.
Halok bo`lganlar orasida besh erkak, olti ayol va voyaga etmagan bir qiz bor. Qolgan 23 nafar yo`lovchi hozirda shifoxonada.
