Joriy yilning 13 oktyabr kuni soat 22:30 atrofida Bobur ko`chasida 2005 yilda tug`ilgan Sh.T. boshqaruvidagi Spark avtomashinasini boshqarib ketayotib rul boshqaruvini yo`qotishi natijasida piyodalar yurish yo`lagidagi 3 nafar piyodani urib yubordi. Bu haqda Toshkent shahar IIBB Axborot xizmati xabar berdi.
YTH natijasida 3 nafar piyoda turli darajadagi tan jarohatlar bilan shifoxonaga yotqizilgan. YTH natijasida vafot etganlar yo`q. Haydovchiga tez yordam xodimlari tomonidan birinchi tibbiy yordam ko`rsatilgan.
Urib yuborilgan piyodalar Hindiston fuqarosi bo`lgan. Bu haqda Toshkent shahar Ichki ishlar bosh boshqarmasi YHXB navbatchi-inspektori Ergash To`ychiev xabar bergan.
Mazkur holat yuzasidan Toshkent shahar IIBB YHXB tomonidan tergovga qadar surishtiruv ishlari olib borilmoqda.
