Ijtimoiy tarmoqlarda Qashqadaryodagi ko`lga cho`kib ketgan 57 yoshli erkakning jasadi 5 kundan so`ng topilgani haqida xabar tarqaldi.
Mirishkor tumani IIB navbatchilik qismining 07.10.2023 yildagi xabariga ko`ra, Koson tumani, “Yuqori obron” MFYda yashovchi, fuqaro Toshev Zokir Avazovich shu kuni Mirishkor tumani, Pomuq qishlog`ida joylashgan “Sechanko`l” suniy suv havzasiga sherigi Sattorov Og`abek Qilich o`g`li bilan birga baliq ovlash uchun borib, ehtiyotsizligi oqibatida suvga cho`kib ketib vafot etgan.
Mazkur holat yuzasidan tuman prokuraturasi tomonidan voqea joyi ko`zdan kechirilib, ashyoviy dalillar prosessual tartibda rasmiylashtirilgan.
Olib borilyotgan tergovga qadar tekshiruv davomida 10.10.2023 yilda viloyat Favqulotda vaziyatlar boshqarmasi tezkor xodimlari tomonidan Toshev Zokir Avazovichning jasadi “Sechanko`l” suniy suv havzasidan topilgan.
Marhum Toshev Zokir Avazovichning jasadi tashqi tomondan ko`zdan kechirilib, sud-tibbiy ekspertizasi tayinlangan.
