Toshkent Sergeli va Bektemir tumanlarida yangi qozonxonalar qurilishi boshlandi. Bu haqda Veolia Energy Tashkent Matbuot xizmati xabar bermoqda.
Qayd etilishicha, issiqlik ta`minoti tizimini modernizasiya qilish doirasida Veolia Energy Tashkent tomonidan shaharning Bektemir va Sergeli tumanlarida Pilot loyihasi amalga oshirilmoqda. Bu orqali 130 dan ortiq ko`p qavatli uy va 30 ta ijtimoiy ob`ekt ochiqdan yopiq issiqlik ta`minoti tizimiga o`tadi.
Ochiq issiqlik ta`minoti tizimi bilan suv shahar qozonxonalarida isitiladi va iste`molchilarga etkaziladi. Tashish jarayonida issiqlikning bir qismi yo`qoladi.
Yopiq issiqlik ta`minoti tizimi bilan ko`p qavatli uylar va ijtimoiy ob`ektlar yangi issiqlik ta`minoti sxemasiga ulanadi, bunda suv to`g`ridan-to`g`ri ob`ektda isitiladi. Buning uchun har bir ob`ekt tashqi haroratni hisobga olgan holda issiqlik energiyasini tartibga soluvchi bug`lama bilan jihozlanadi.
Loyihaning amalga oshirilishi issiqlik ta`minoti samaradorligini oshirish va issiqlik yo`qotishlarini sezilarli darajada kamaytirish imkonini beradi. Qozonxonalarning umumiy loyiha quvvati 48 MVt yoki 41,4 Gkal/soatni tashkil qilib, issiqlik manbalarining umumiy maydoni “Vodnik” qozonxonasi uchun 937 m/kv va “Sanoatenergo” uchun 600 m/kv.
Qozonxonalar ishlaydigan hududda kamida 13 km issiqlik tarmoqlarini rekonstruksiya qilinadi. Xususan, “Vodnik” — umumiy uzunlikdagi tarmoqlarning 45%, “Sanoatenergo” — umumiy uzunlikdagi tarmoqlarning 66%. Loyihani foydalanishga topshirish, kelgusida samaradorlik ko`rsatkichlarini baholash bilan, 2024 yilning 2-choragiga mo`ljallangan.
