Yaponiya hukumatining Ukrainaga harbiy texnika etkazib berishni boshlash haqidagi qarori munosabati bilan Yaponiyaning Moskvadagi elchisi Toyoxisa Kozuki Rossiya Tashqi ishlar vazirligiga chaqirildi. Bu haqda 9 iyun, juma kuni Rossiya TIV matbuot xizmati ma`lum qildi.
“9 iyun kuni Rossiya Federasiyasi Tashqi ishlar vaziri o`rinbosari A.Yu.Rudenko Yaponiya hukumatining Ukrainaga harbiy texnika (zirhli) etkazib berishni boshlash to`g`risidagi qarori munosabati bilan Yaponiyaning Rossiyadagi elchisi T.Kozukini chaqirdi”, — deyiladi xabarda.
Yaponiya tomoniga bu qadam jangovar harakatlar kuchayishini yanada oshishiga olib kelishi aytilgan.
Bosh vazir Fumio Kisida ma`muriyati shu bilan ukrainalik "terrorchilar"ning Kievga berilgan harbiy texnikadan faol foydalangan holda jinoiy harakatlari natijasida tinch aholi, jumladan, Rossiyaning chegaradosh hududlarida halok bo`lganlar uchun javobgarlikni o`z zimmasiga olishga tayyor bo`lishi kerakligi ta`kidlangan.
Bu qaror bilan Tokio ikki tomonlama munosabatlarni yanada xavfli boshi berk ko`chaga olib chiqmoqda, bunday harakatlar jiddiy oqibatlarsiz qolishi mumkin emas, deya ogohlantirgan Rossiya TIV.
