Ichki ishlar vazirligi Yo`l harakati xavfsizligi bo`limi Toshkent shahrining Yunusobod tumanida 6 ta mashina bir-biriga urilib, avariya bo`lganini ma`lum qildi.
Qayd etilishicha, bugun 29 may kuni soat 12:30 larda tumanning Moyqo`rg`on ko`chasida Malibu 2, BYD SONG, VAZ 2105, Lacetti, Nexia 3 va Zil bir-biriga to`qnashgan.
Ularning boshqaruvida:
Malibu 2 — 2001 yilda tug`ilgan S.N.;
BYD SONG — 1974 yilda tug`ilgan M.A.;
VAZ 2105 — 1986 yilda tug`ilgan M.X.;
Lacetti — 1988 yilda tug`ilgan B.Z.;
Nexia 3 — 1996 yilda tug`ilgan M.A.;
ZIL — 1995 yilda tug`ilgan R.S. lar bo`lgan.
Xabarga ko`ra, ushbu YTH natijasida tan jarohat olgan yo`q. Holat yuzasidan Toshkent shahar IIBB YHXB mas`ul xodimlari tomonidan surishtiruv harakatlari olib borilmoqda.
