”O`zbekiston madaniy merosi jahon to`plamlarida“ tukumidagi kitoblar uchun Finlyandiya qog`ozi ishlatiladi. Kitoblarimiz sahifalari yaltiroq ko`rinishga kirishi uchun sahifaga engil, yoqimli jilo beruvchi maxsus lak suriladi.
Bilasizmi, ilk qog`ozlar Xitoyda ishlab chiqarilgan, lekin uni tayyorlash usuli to VIII asrgacha sir tutilgan.
Rivoyatlarda aytilishicha, VIII asr o`rtalarida Xitoy qo`shini Samarqand hududiga bostirib kirganida, Abu Muslim lashkarlari qattiq qarshilik ko`rsatib, ular ustidan g`alaba qozongan, ko`plab xitoyliklar asir olingan. Ular orasida qog`oz tayyorlash bo`yicha ustalar ham bor edi. Ular o`z jonini saqlab qolish uchun Samarqandda qog`oz ishlab chiqarishni yo`lga qo`yishga yordam berishgan. Shu paytdan boshlab to XVIII asrgacha Samarqand O`rta Osiyodagi ipak qog`oz ishlab chiqarish markaziga aylandi.
Ma’lumot uchun: "O‘zbekiston madaniy merosi jahon to‘plamlarida" loyihasining bosh homiysi Eriell Group neft-servis kompaniyasi ekanligini qayd etib o‘tamiz.
