Nyu-York sudi AQShning sobiq prezidenti Donald Trampni jurnalist Jan Kerrollga nisbatan tuhmat qilishda aybdor deb topdi, u 5 million dollar tovon to`lashi kerak, deb xabar berdi mahalliy OAVlar.
Hakamlar hay`ati Kerrollning Tramp uni 1996 yilda zo`rlagani haqidagi da`volarini rad etdi, ammo ta`qiblar faktini tan oldi, shuningdek, u Kerrollning obro`siga putur etkazdi. Oq uyning sobiq rahbari kaltaklagani uchun 2 million dollar va tuhmat uchun 3 million dollar to`lashi kerak edi.
Sud zalida bo`lmagan Tramp avvalroq Kerrollni hech qachon ta`qib qilmaganini va hatto uni tanimasligini ham aytgan edi.
AQShning 45-prezidentining advokati Jo Takopinning so`zlariga ko`ra, Kerroll o`zining 2019 yilgi avtobiografiyasini sotishni rag`batlantirish uchun butun voqeani o`ylab topgan. Aynan shu kitobda u birinchi marta Trampni zo`rlashda ayblagan - go`yo u uni do`konning kiyinish xonasida bezovta qilgan.
Hukmdan keyin Tramp Keroll bilan hech qachon uchrashmaganligini yana bir bor ta`kidladi.
"Ushbu hukm tarixdagi eng katta jodugar ovining davomidir", dedi sobiq prezident.
