Rossiya va Turkmaniston prezidentlari Vladimir Putin va Serdar Berdimuhamedov telefon orqali muloqot qildi, deb xabar berdi Turkmaniston hukumatining “Neytral Turkmenistan” gazetasi, deya yozmoqda "kommersant".
Aytilishicha, janob Berdimuhamedov Moskvada G`alabaning 78 yilligi munosabati bilan o`tkaziladigan bayram tadbirlariga taklifnoma olgan. Uning Rossiya poytaxtiga kelish niyati bor-yo`qligiga aniqlik kiritilmagan.
Telefon suhbati 7 may kuni bo`lib o`tgan. Kreml muzokaralar haqida xabar bermadi. Fursatdan foydalanib, Rossiya Federasiyasi rahbari turkmanistonlik hamkasbini G`alabaning 78 yilligiga bag`ishlangan tantanalarda ishtirok etishga taklif qilgan.
Xabarda keltirilishicha, muzokaralar chog`ida janob Berdimuhamedov va janob Putin ikki davlat o`rtasidagi hamkorlikni muhokama qilgan. Turkmaniston rahbari Rossiya prezidentiga hamkorlikni rivojlantirish va mustahkamlashga qo`shgan katta shaxsiy hissasi uchun minnatdorlik bildirdi. Putin sheriklikni chuqurlashtirish bo`yicha avval imzolangan deklarasiya munosabatlarni rivojlantirish manfaatiga xizmat qilishiga ishonch bildirdi.
Eslatib o`tamiz, Qirg`iziston prezidenti Sadir Japarov paradda ishtirok etish uchun Moskvadga keldi. U tadbirda boshqa davlatning yagona rahbari bo`ladimi yoki yo`qmi noma`lum. Janob Putin Tojikiston prezidenti Emomali Rahmonni ham paradga taklif qilgan.
2022 yilda Vladimir Putin G`alaba kuni uchun xorijiy davlatlar rahbarlarining hech birini Moskvaga taklif qilmadi. Keyin Dmitriy Peskov "bu yubiley sanasi emas", deb tushuntirdi. Imomali Rahmon 2021 yilgi parad uchun Moskvaga kelgan yagona xorijiy davlat rahbari edi.
