Avvalroq, ijtimoiy tarmoqlarda noma`lum bir erkak o`smir yigitni do`pposlab, unga tan jarohatlari etkazayotganligi tasvirlangan videolavha tarqaldi.
IIV holat Tezkor-qidiruv departamenti tomonidan o`rganilayotganini ma`lum qildi.
Qayd etilishicha, mazkur holat respublika hududidan tashqarida sodir etilganligi bo`yicha birlamchi tezkor ma`lumot olingan.
"Hozirda departament xodimlari tomonidan xorijiy hamkasblar bilan hamkorlikda videolavhada aks etgan fuqarolarning shaxsiga aniqlik kiritish bo`yicha tezkor-qidiruv tadbirlari amalga oshirilmoqda. Ularning natijasi yuzasidan aybdorlarga nisbatan jazo muqarrarligini ta`minlash choralari ko`riladi", - deyiladi xabarda.
