Bugun, 27 aprel kuni Prezident Shavkat Mirziyoev ikkinchi Toshkent xalqaro investisiya forumida ishtirok etadi. Davlat rahbari forumning yalpi majlisida nutq so`zlaydi. Bu haqda Prezident matbuot kotibi Sherzod Asadov xabar berdi.
Sessiyada Islom taraqqiyot banki prezidenti Muhammad bin Sulaymon al-Jassir, Qirg`iziston Vazirlar Mahkamasi Raisi – Prezident Administrasiyasi rahbari Oqilbek Japarov, BMT Bosh kotibining o`rinbosari Olga Algaerova, Birlashgan Arab Amirliklari energetika va infratuzilma vaziri Suxayl al-Mazruiy, Vengriya iqtisodiy rivojlanish vaziri Marton Nad, “ASWA Power” kompaniyasi boshqaruvi raisi Muhammad Abdulla Abunayyan ham qatnashadi. Sessiyaga Evropa tiklanish va taraqqiyot bankining kommunikasiya masalalari bo`yicha direktori Jonatan Charlz moderatorlik qiladi.
O`zbekiston Prezidentining forum doirasida qator ikki tomonlama uchrashuvlar o`tkazishi ham rejalashtirilgan.
Umuman, tadbirda 70 mamlakatdan kelgan 2,5 mingga yaqin ishbilarmon doiralar va bank-moliya sohasi vakillari ishtirok etadi.
