Farg`onada o`zining 8 oylik qizini 10 ming dollarga sotayotgan 22 yoshli ona qo`lga olindi. Bu haqda IIV Matbuot xizmati xabar berdi.
DXX va IIB xodimlari tomonidan Farg`ona viloyati Uchko`prik tumanida arizaga asosan tezkor tadbir o`tkazilgan. Unda mazkur tumanida yashovchi 22 yoshli ayol 2022 yil avgust oyida tug`ilgan qizini 10 ming AQSh dollariga sotayotgan vaqtda ashyoviy dalillar bilan ushlangan. Ma`lum qilinishicha, ayol oilaviy sharoiti yaxshimasligi, puldan qiynalib qolgani uchun bu ishga qo`l urgan.
"Bolaga zoriqqan bir opa bor ekan. Ham savob, ham uyim yo`qligi uchun bolamni unga bermoqchi bo`ldim", - deydi ayol.
Holat yuzasidan JKning 135-moddasi (odam savdosi) bilan jinoyat ishi qo`zg`atilib, tergov harakatlari olib borilmoqda.
