Bangladeshda chaqmoq urishi oqibatida to`qqiz kishi halok bo`ldi

Bangladeshda ikki soatdan kamroq vaqt davomida chaqmoq urishi oqibatida to`qqiz kishi halok bo`ldi, deya xabar beradi Xinhua agentligi.

Sunamganj, Maulvibazar va Silxet tumanlarining turli okruglarida yakshanba kuni kuchli yomg`ir paytida mahalliy vaqt bilan soat 10:00 dan 11:00 gacha o`lim holatlari qayd etilgan.

O`limga olib keladigan hodisalarning aksariyati qishloqda odamlar dalada ishlayotgan paytda sodir bo`lgan.

Yilning bu vaqtida Bangladeshda quruq va yomg`irli davrlar almashinishi oqibatida chaqmoq urishidan o`lim holatlari tez-tez uchraydi.

So`nggi bir necha yil ichida bu zich joylashgan Janubiy Osiyo davlatida har yili chaqmoq urishi oqibatida yuzlab o`lim holatlari qayd etilgan.

Mutaxassislarning ta`kidlashicha, bu iqlim o`zgarishi bilan bog`liq.