Engilroq jazo tayinlatib berishni va`da qilgan firibgar ushlandi. Bu haqda Bosh prokuratura huzuridagi Departament xabar qildi.
Ma`lum qilinishicha, Departament hamda DXXning Jizzax viloyati boshqarmalari tomonidan o`tkazilgan tezkor tadbirda, fuqaro O.R. fuqaro F.Q.ning transport vositasini olib qochganligi yuzasidan jinoyat ishi bo`yicha 2 000 AQSh dollari evaziga sudda engilroq jazo tayinlatib berishini aytib, F.Q.ning tanishi Sh.A.dan 1 500 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo`zg`atilib, tergov harakatlari o`tkazilmoqda.
