So`nggi oylarda Er yuzida COVID-19 pandemiyasining oqibatlari yana keng ko`lam kasb eta boshladi. Xususan, shu yilning 2-29 yanvar kunlari oralig`ida dunyo bo`yicha qariyb 20 million nafar kishiga koronavirus tashxisi qo`yildi. Achinarli jihati, aniqlangan bemorlarning 114 ming nafardan ortig`i xastalik oqibatida hayotdan ko`z yumdi. Bu haqda Sog`liqni saqlash vazirligi Matbuot xizmati xabar berdi.
JSSTning navbatdagi hisobotiga ko`ra, garchi kasallanish ko`rsatkichlari dekabr oyiga qaraganda 78 foizga kamaygan bo`lsa-da, o`lim holatlari 65 foizga oshgani tashvishlanarli.
So`nggi to`rt hafta ichida eng ko`p bemorlar quyidagi mamlakatlarda qayd etildi:
- Xitoy — 11,4 million,
- Yaponiya — 3,2 million,
- AQSh — 1,5 million,
- Janubiy Koreya — 1 million.
- Braziliya — 460 ming.
Eng ko`p o`lim holatlari ro`yxatga olingan davlatlar:
- Xitoy — 62 759,
- AQSh — 14 625,
- Yaponiya — 10 122,
- Buyuk Britaniya — 3 137,
- Braziliya — 2 889.
️Shundan kelib chiqib, JSST aholiga to`liq bosqichda va buster dozada emlanishni tavsiya etmoqda.
