Prezidentning “Paxta xomashyosi etishtiruvchilar faoliyatini yanada qo`llab-quvvatlashning qo`shimcha chora-tadbirlari to`g`risida”gi PQ–23-son qarori imzoland.
Unga ko`ra:
- mahalliy davlat hokimiyati organlari tomonidan paxta-to`qimachilik klasterlari faoliyatiga noqonuniy aralashish, ularning ta`sischilarini yig`ilishlar va boshqa tadbirlarga chaqirish, fermerlar bilan bo`ladigan munosabatlariga ta`sir o`tkazish qat`iyan man etiladi;
- paxta-to`qimachilik klasterlariga to`rt tomonlama bitim doirasida olingan majburiyatlardan tashqari qo`shimcha majburiyatlarni yuklash taqiqlanadi.
- 2023 yil hosilidan har yili 1 oktyabrgacha paxta-to`qimachilik klasterlari tomonidan fermer xo`jaliklari bilan kelgusi yil hosili uchun paxta etishtirish bo`yicha fyuchers shartnomalari tuziladi (2023 yil hosili uchun 2023 yil 1 fevralga qadar).
Shuningdek, 2023 yildan:
- xorijdan olib kelingan va respublikamizda ishlab chiqarilgan lazerli qurilmaga ega avtomatlashtirilgan er tekislagich agregatlarini sotib olgan qishloq xo`jaligi mahsulotlari ishlab chiqaruvchilariga ular qiymatining 30 foizi qoplab beriladi;
- paxta etishtiriladigan maydonlarni nasos orqali sug`orishda sarflanadigan elektr energiyasi xarajatlarining 50 foizigacha qismi qoplab beriladi.
2025 yil 1 yanvargacha import qilinadigan ayrim mineral o`g`itlarga bojxona bojining “nol” stavkasi qo`llaniladi.
