Oltinchi shaxs Tehron inqilobiy sudi tomonidan namoyishlar va tartibsizliklar paytidagi noqonuniy xatti-harakatlari uchun o`lim jazosiga hukm qilindi. Bu haqda 20 noyabr kuni IRNA xabar qilgan.
Sudlanuvchi “o`ldirish uchun pichoq tortish, terror tarqatish, yaqinda yuz bergan tartibsizliklar paytida xavf yuzaga keltirish”da aybdor deb topildi. Sud, shuningdek, sudlanuvchini "xudoga qarshi urush" degan ma`noni anglatuvchi moddada ham aybdor deb topdi.
O`tgan haftada Tehron sudi besh nafar eronlikni noqonuniy harakatlar va pogromlarda ishtirok etganlikda ayblab hukm chiqardi.
Eron rasmiylari norozilik namoyishlarini "tartibsizliklar" deb atamoqda va G`arb muxoliflarini davlatni ularni qo`zg`atayotganlikda ayblamoqda.
Eslatib o`tamiz, Eronda Mahsa Amini o`limidan so`ng boshlangan norozilik namoyishlari ikki oydan ortiq vaqtdan beri davom etmoqda. Hozirga qadar 380 ga yaqin odam halok bo`ldi.
