Endi tadbirkorlar o`z bizneslari ish beradimi, yoki yo`q sinab ko`rishlari mumkin bo`ladi.
Bu haqda AOKAda o`tgan matbuot anjumanida Javohir Kuli Zoda ma`lum qildi.
Axborot berilishicha, prezidentning tadbirkorlarga oid farmoni bilan rejim doirasida 5 soha tandab berildi.
Ular:
- Elektron tijoratni amalga oshirish;
- Ishlab chiqarish;
- Qishloq xo`jaligi;
- Logistika;
- Qurilish.
"Shu sohada tadbirlkorlik faoliyatini amalga oshirmoqchi bo`lganlar kelajakda bu qilingan xarajatlarni qoplaydimi? Bunda tadbirkor o`z biznesini avval sinab ko`rishi taklif etilyapti. Bu uchun 3 yil muddat beriladi. Har bir loyiha bo`yicha chegaralangan muddat vakolatli organ bilan kelishiladi. Tadbirkorlik sub`ekti va vakolatli organ bilan barchasi shartnomada belgilanadi", — deydi Kulizoda.
Ma`lum qilinishicha, tadbirkorga o`zining yangi tovarini ishlab chiqarish uchun imkoniyat beriladi. U buning davomida kelishuvda belgilangan ayrim normalarga amal qilmasdan tovarini sotishi, realizasiya qilishi mumkin bo`ladi. Yana bir imkoniyat shuki, tadbirkor ma`lum muddat davomida tegishli lisenziya olmasdan faoliyat yuritishi mumkin bo`ladi.
"Albatta, muddat yakunida davlat organi ham jarayonni kuzatadi. Bu xizmatni ertaga soddalashtirib, butun respublikaga yoyish bo`yicha tegishli hujjatlar ishlab chiqiladi" , — deya ma`lumot berildi AOKAda.
