Turkiy davlatlar tashkilotining Xitoydagi "Uyg`urlar" bo`yicha pozisiyasi qanday?

Ushbu savolga Turkiy davlatlar tashkiloti Bosh kotibi Bog`dod Amreev izoh berdi.

"Turkiy davlatlar tashkilotining pozisiyasi — unga a`zo mamlakatlarning pozisiyasi. Biz boshqa mamlakatlarning ichki ishlariga aralashmaymiz.

Bu pozisiya tashkilotlarga a`zo mamlakatlarning tashqi siyosat pozisiyasidan kelib chiqqan. Ya`ni, O`zbekiston, Qozog`iston, Turkiya yoki Ozarbayjon siyosati aynan shunday — boshqa mamlakatlar ichki ishlariga aralashmaslik. Tashkilot va unga a`zo mamlakatlarning pozisiyalari boshqa-boshqa bo`lishi mumkin emas", — dedi tashkilot Bosh kotibi.