Qarshi xalqaro aeroportida noqulay ob-havo (ko`rishning etarli darajada emasligi) sharoiti tufayli, kecha 2022 yil 5 noyabr kungi HY-070 Qarshi – Toshkent yo`nalishidagi qatnovi 6 noyabr soat 05.30 ga majburiy ko`chirilgan.
Bu haqda “Uzbekistan Airways” AJ Axborot xizmati ma`lum qildi.
Qayd etilishicha, qatnov ekipaji soat 05.30 qadar ob-havo yaxshilanishini kutgan va ekipajni ish vaqti tugagani ma`lum bo`lgan. Shundan keyin havo kemasi sardori qatnovni soat 12.00 ga ko`chirishga qaror qiladi.
Bugun, 6 noyabr kuni Qarshi – Toshkent yo`nalishidagi HY-070 reysi belgilangan manzilga etib borgan.
“Uzbekistan Airways” AJ Axborot xizmati aviakompaniya uchun yo`lovchilar xavfsizligi yuqori o`rinda turishini eslatib o`tadi. Keltirilgan noqulayliklar uchun yo`lovchilar va ularni kutib oluvchilardan uzr so`raymiz", — deyiladi xabarda.
