Jomboyda "DAF" yonib ketdi

Dastlabki ma`lumotlarga ko`ra, bugun, 2022 yil 31 oktyabr kuni soat 15:30 larda Samarqand viloyati, Jomboy tumani hududidan o`tuvchi M-39 "Toshkent-Samarqand" avtomobil yo`linda "DAF" rusumli yuk avtomobilining old chap tomon shinasi havo qo`yib yuborishi oqibatida haydovchi boshqaruvni yo`qotgan va oldinda, ortga qayrilib olish manyovrini bajarayotgan haydovchi boshqaruvidagi "Lada Largus" rusumli avtomobilga to`qnashgan. Bu haqda IIB YHXB xabar berdi.
To`qnashuv natijasida yuk avtomobilida yong`in yuzaga kelgan.

Yong`in o`t o`chiruvchilar tomonidan bartaraf etilgan. Hodisa oqibatida "Lada Largus" avtomobilining haydovchisi shifoxonaga olib ketilgan.

Mazkur YTH yuzasidan tuman IIB YHXB hamda FVB xodimlari tomonidan surishtiruv harakatlari olib borilmoqda" deyiladi xabarda.