Yig`ilishda 2022 yilda Andijon, Jizzax, Namangan, Samarqand, Farg`ona va Xorazm viloyatlarida agroxizmatlar markazlari tashkil etilib, 100 dan ortiq xizmatlar yo`lga qo`yilishi lozimligi ko`rsatib o`tildi. Bu haqda prezident matbuot xizmati xabar bermoqda.
Shuningdek:
- qishloq xo`jaligida mablag`larni boshqarish va monitoring qilish axborot tizimini ishga tushirish;
- erlar va ekinlar hisobi hamda monitoringini yuritishni raqamlashtirish;
- 1 avgustga qadar 7 turdagi, 2023 yilda barcha turdagi subsidiya to`lashni elektron tizimga o`tkazish;
- suv balansi va sarfi hisobini yuritish hamda erlarni to`g`ri sug`orish ishlarini masofaviy monitoring qilish axborot tizimini 1 dekabrgacha Farg`ona va Samarqandda, 2023 yilda barcha hududlarda joriy qilishga topshiriq berildi.
Prezident yangi Xalqaro qishloq xo`jaligi universiteti 2022-2023 o`quv yilidan o`z faoliyatini boshlashi zarurligini qayd etdi.
Birinchi o`quv yilida universitetda 7 ta mutaxassislik bo`yicha 200 nafar talaba o`qitiladi.
