Xabaringiz bor bugun, 20 aprel` kuni taxminan soat 10:40 larda Mirzo Ulug`bek tumani Abdulla Qodiriy va Maxatma Gandi ko`chalari chorrahasida xizmat olib borayotgan Toshkent shahar IIBB YHXB YPX inspektori Farxod Sayxamatovni A.T. boshqaruvidagi “Hyundai Sonata” rusumli davlat raqam belgisi 01 990 QFA bo`lgan avtomashinada urib yuborgan.
Natijada YPX inspektori olgan tan jarohatlari bilan shifoxonaga olib borilgan.
Sodir etgan YTH bo`yicha qo`shimcha ma`lumot berildi.
“Hyundai Sonata” haydovchisi:
- Mirzo Ulug`bek tumanida harakatlanib kelayotgan paytim o`zimni ehtiyotsizligim tufayli xodimning oyog`ini mashinaning orqa chap baloni bilan bosib yubordim. Shundan so`ng tez tibbiy yordam ko`rsatish maqsadida shifoxonaga olib bordim. Qilgan ishimdan afsusdaman, boshqalar ham yo`lda harakat payti e`tiborli bo`lishlarini so`rab qolaman.
Hozirda YPX xodimiga zudlik bilan birinchi yordam ko`rsatildi. Ayni payt salomatligi yaxshi.
