Andijon shahrini elektr energiyasi bilan ta`minlovchi yuqori kuchlanishli 110 kV elektr uzatish tarmog`iga yashin tushishi natijasida shaharning ayrim hududlarida elektr ta`minotida uzilishlar kuzatilmoqda. Bu haqda Energetika vazirligi ma`lum qildi.
"Hozirda tezkor brigadalar tomonidan ushbu nosozlikni bartaraf etish ishlari olib borilmoqda.
Ta`mirlash ishlari yakunlangandan so`ng, elektr ta`minoti qisqa fursatda qayta tiklanadi", - deyiladi xabarda.
