Prezidentimizning sog`liqni saqlash tizimi vakillari bilan “O`zbekiston tibbiyoti — inson qadri uchun” mavzusida bo`lib o`tadigan ochiq muloqotiga yo`llangan murojaatlar soni shu kungacha 2558 taga etdi. Ulardan 72 foizi o`z echimini topgan bo`lsa, qolgan qismi ijro jarayoniga yo`naltirilgan.
Kelib tushgan murojaatlarning:
- 545 tasi sog`liqni saqlash tizimining birlamchi bo`g`ini,
- 134 tasi tez tibbiy yordam xizmati,
- 132 tasi ixtisoslashgan markazlar faoliyati,
- 82 tasi ilm-fan,
- E 74 tasi oliy tibbiy ta`lim,
- 64 tasi sanitariya-epidemiologiya xizmati,
- 58 tasi farmasevtika,
- 54 tasi onalik va bolalikni muhofaza qilish,
- 49 tasi ijtimoiy himoya,
- 45 tasi xususiy tibbiyot kabi yo`nalishlarga daxldordir.
Qolaversa, malaka oshirish, shoshilinch tibbiy yordam, o`rta maxsus tibbiy ta`lim, yuridik xizmat, sog`lom turmush tarzi, davlat xususiy sherikchilik yo`nalishlari bo`yicha ham ko`plab murojaatlar qabul qilingan.
Murojaatlarning katta qismi Toshkent shahri (179 ta), Qashqadaryo (131 ta) hamda Farg`ona (129 ta) viloyatlari hissasiga to`g`ri keladi.
Binobarin, ayni paytda ijro jarayonidagi masalalarning 58 foizi birlamchi tibbiy yordam yo`nalishiga oiddir. Hududlar kesimida esa ularning 22 foizi Namangan va Andijon viloyatlariga, qolgan 78 foizi esa respublikamizning boshqa hududlari hisobiga to`g`ri kelmoqda.
