So`nggi ikki oy ichida issiqlik tizimida 27ta avariya sodir bo`ldi. Aksariyat avariyalar sababi — elektr ta`minotidagi uzilishlardir.
Bu haqda AOKAda o`tkazilgan brifingda Uy-joy kommunal xizmat ko`rsatish vazirligi vazir o`rinbosari Qurbon Tursunov ma`lum qildi.
Qayd etilishicha, sodir bo`lgan avariyalarning 7 tasi ko`p qavatli uylarning ichki tizimida, 7 tasi issiqlik tarmoqlarida, 3 ta tabiiy gaz ta`minoti bosimining pasayishi va 10 ta elektr energiyasi ta`minoti uzilishi natijasida sodir bo`lgan.
Toshkent shahridagi TS-4 qozonxonasidagi uzilishdan boshqa sezilarli darajadagi avariya holatlari sodir bo`lmadi. Hozirda barcha qozonxonalar bir maromda ishlamoqda.
Bugungi kunda 505 ta qozonxona va 3 704 km issiqlik tarmoqlari orqali, 614 577 ta xonadondan iborat 13 366 ta ko`p qavatli uylar va 1 885 ta ijtimoiy soha ob`ektlari issiqlik energiyasi bilan ta`minlanmoqda.
