Ijtimoiy tarmoqlarda “Uchastka noziri 59 yosh otaxonni doimiy majburiy mehnatga jalb qilib kelgani aytilmoqda” sarlavhali ostida video e`lon qilingan.
Toshkent shahar IIBB mazkur fakt bo`yicha quyidagilarni ma`lum qildi:
Chilonzor tumani 1-son IIB huquqbuzarliklar profilaktikasi katta inspektori podpolkovnik O. Mamatov profilaktika inspektorlari leytenant A. Safarov va profilaktika inspektori yordamchisi N. Maxmadiyorovlar bilan birga chiqindi to`plash punkti ishchisi – muqaddam sudlangan 59 yoshli Nuriddin Z.ga muntazam spirtli ichimlik ichib fuqarolarning tinchligini buzganligi uchun tanbeh berishgan. Xodimlar uni hududni obodonlashtirish ishlarida qatnashishga chaqirishgan. Ammo Nuriddin Z. buni rad etgach, u va ichki ishlar organi xodimi o`rtasida kelishmovchilik yuzaga kelgan.
Profilaktika inspektoriga nisbatan Toshkent shahar IIBB rahbariyati tomonidan xizmat tekshiruvi tayinlandi. Tekshiruv natijalari bo`yicha holatga huquqiy baho beriladi.
