2021 yilning yanvar-oktyabr oylarida O`zbekiston xorijga qiymati 22,1 mln. AQSh dollariga teng bo`lgan 80,6 ming tonna qovun va tarvuz eksport qilgan. Bu haqda Davlat statistika qo`mitasi ma`lumot berdi.
Qayd etilishicha, bu yil O`zbekistonda etishtirilgan qovun va tarvuzlar 23 ta xorijiy davlatlar bozorlariga etkazib berilgan bo`lib, eksport hajmi o`tgan yilning mos davriga nisbatan 23,2 ming tonnaga kamaygan.
O`tgan 10 oy mobaynida O`zbekiston eng ko`p qovun va tarvuz eksport qilgan davlatlar quyidagilar:
- Qozog`iston – 33,3 ming tonna;
- Rossiya – 20,2 ming tonna:
- Qirg`iz R. – 13,8 ming tonna
- Ukraina – 5,6 ming tonna;
- Latviya – 2,9 ming tonna;
- Belarus – 1,4 ming tonna;
- Tojikiston – 1,4 ming tonna;
- Germaniya – 1,2 ming tonna.
