“Chuqursoy texnik idorasi” temir yo`l chegara bojxona posti xodimlari tomonidan qo`shni davlat hududidan kirib kelgan yuk poezd tarkibi ko`zdan kechirildi, deya xabar bermoqda davlat Bojxona qo`mitasi.
Tekshiruv davomida poezd vagonlaridan birining g`ildiragi yon ichki qismida oq rangli paketga o`ralgan noma`lum modda borligi aniqlandi.
O`tkazilgan tekshiruvlardan so`ng mazkur modda 20,56 gramm og`irlikdagi "marixuana" giyohvandlik vositasi ekanligi ma`lum bo`ldi.
Hozirda mazkur holat yuzasidan surishtiruv harakatlari olib borilmoqda.
