Toshkent shahar bojxona boshqarmasining “Boshpochtamt” tashqi iqtisodiy faoliyat bojxona postida aniqlandi. Bu haqda Davlat bojxona qo`mitasi xabar berdi.
Unga ko`ra, xorijdan poytaxtimizda yashovchi fuqaro nomiga keltirilgan pochta jo`natmasida hujjatlarga asosan jo`natmada “oyoq kiyim” tovari bo`lishi lozim edi.
Post xodimlari tomonidan mazkur jo`natma ko`zdan kechirilganda esa, jo`natmada oyoq kiyimlar emas, qiymati 30 mln. so`mlik og`irligi 22 gramm bo`lgan 2 dona ayollar zanjirlari hamda 2 dona qo`l soatlari borligi aniqlandi.
Navbatdagi holatda esa, 13,6 mln. so`mlik 17,66 gramm og`irlikdagi 1 dona ayollar bilak uzugi pochta jo`natmasiga tegishli hujjatlarda qayd etilmaganligi fosh bo`ldi.
Hozirda mazkur holatlar yuzasidan surishtiruv harakatlari olib borilmoqda.
