Непал ҳукумати сешанба куни ҳалокатли зилзила оқибатида ҳалок бўлганлар ҳотирасига уч кунлик мотам эълон қилди, қурбонлар сони 4353 кишини ташкил қилди, яна саккиз минг киши жабрланди.
DPA агентлигининг хабар беришича, Непал ҳукумати яраланган ва ҳалок бўлганларни қидириш ишлари жуда катта вақт олишини таъкидлашмоқда.
"Биз бундай катта ҳалокатга тайёр эмас эдик", — дейди Непал ички ишлар вазири Бам Дев Гаутам.
ИИВ вакили айрим узоқ ҳудудларга қутқарувчилар ҳали ҳамон етолмаётганликларини хабар қилмоқда.
Аввал хабар берилганидек, 25 апрель куни Непалда 7,9 магнитудали зилзила юз берди. Зилзила эпимаркази Катманду шимоли-ғарбидан 82 километр узоқликда жойлашган. Зилзиладан сўнг 20 та афтершок юз берган. Ҳукумат мазкур табиий офатни 81 йил ичидаги энг кучлиси деб тан олинмоқда.
