25 апрель куни Непалда 7,9 магнитудали зилзила юз берди. Зилзила эпимаркази Катманду шимоли-ғарбидан 82 километр узоқликда жойлашган. Зилзиладан сўнг 20 та афтершок юз берган. Ҳукумат мазкур табиий офатни 81 йил ичидаги энг кучлиси деб тан олинмоқда.
Маълумотларга кўра, зилзила оқибатида қурбонлар сони айни вақтда 3218 кишини ташкил қилди, яраланганлар сони эса 6538 кишига етди. Бу ҳақда Reuters маҳаллий полиция вакилларига таяниб хабар бермоқда.
Ҳалок бўлганлар умумий сони саккиз минг кишини ташкил қилиши мумкин, деган фикрни келтирмоқда маҳаллий Himalayan Times нашри, ҳукумат вакилларининг хулосаларига таянган ҳолда.
Ҳозирда Россия, АҚШ, Исроил, Франция, Буюк Британия, Швейцария, Польша ва ОАЭ қутқарув гуруҳлари офат ҳудудида ишлашга тайёр эканликларини билдиришмоқда.
