Россияда авж олган ўрмон ёнғинларининг тутуни АҚШ ғарбий соҳилларини бутунлай қоплаб олди. Тутунларнинг асосий сабаби Сибирдан Америка қитъаси томон эсаётган кучли шамоллардир.
Учта Америка штати (Калифорния, Орегон, Вашингтон) тутун остида қолмоқда, дея хабар беради The Weather Channel.
АҚШ миллий метеорологик хизматининг маълумотларига кўра, Сибирь тутунларига Осиёдаги чанг ҳам қўшилиши мумкин. Синьхуа агентлигининг Пекин метеорологик станциясига таяниб хабар беришича, яқинда Хитой пойтахтига ёпирилган қумли бўрон сўнгги 13 йилдаги энг кучлиси бўлган.
