Грузияда коронавирус инфекциясини юқтириб олганлар тўрт нафарга етган. Бу ҳақда Касалликларни назорат қилиш миллий маркази бош директори Амиран Гамкрелидзенинг баёнотига таяниб, “Интерфакс” хабар берди.
Маълум бўлишича, касаллар 1 март, якшанба куни мамлакатга Италиядан қайтиб келишган.
Аввалроқ ОАВ Грузия касалхоналарида коронавирус инфекциясининг аломатлари бўлган 40 га яқин одам борлигини хабар қилганди.
Шунингдек, Беларусда коронавирус инфекциясининг яна иккита ҳолати тасдиқланди, деб хабар берди мамлакат Соғлиқни сақлаш вазирлиги.
Сешанба куни кечқурун Беларусда тўртинчи одам коронавирус юқтирганлиги ҳақида хабар берилганди. Кейин бўлим матбуот хизмати тиббий назорат остида бўлган яна икки беморда коронавирус эҳтимоли ҳақида маълум қилди. Уларнинг таҳлиллари охир-оқибат ижобий натижа берди.
Минскда инфекцияси тўрт, Витебск вилоятида иккита инсонга юққан.
