Хитойда тарқалган коронавирус эпидемиясининг фойдали жиҳатлари аниқланди, деб хабар бермоқда NASA коинот агентлиги. NASA маълумотларига кўра Ухан шаҳри осмони кутилмаганда жуда тоза кўриниш олган.
NASAнинг хабар қилишича, гарчи бу чора-тадбирлар иқтисодий жиҳатдан зарар келтирган бўлса-да, экологик жиҳатдан жуда катта фойдага сабаб бўлган. “Биз биринчи бор атмосфера бу қадар тоза кўриниш олганига гувоҳ бўлдик — дейилади NASA баёнотида.
Қайд этилишича, аввалига фақат Ухан шаҳри осмони тозалана бошлаган. Кейинчалик атрофда ҳам карантин ҳолати жорий этилгач, атмосферага чиқаётган зарарли тутунлар 10-30 фоизга камайган.
Эслатиб ўтамиз, 2019 йилнинг декабрь ойида касаллик тарқагач, Хитой ҳукумати карантин жорий этган эди. Натижада кўплаб завод ва фабрикалар, кўчада ҳаракатланаётган транспортлар фаолияти тўхтатилди.
