28 февраль куни Олий ва оʻрта махсус таʼлим вазири И.Мажидов Жанубий Кореянинг Кукмин университети вице-президенти О Сеонг Хони қабул қилди, дея вазирлик матбуот хизмати хабар бермоқда.
Учрашув давомида Ангрен шаҳрида Кукмин университетини очиш бўйича дастлабки келишув имзоланди. Янги ташкил этиладиган олий таълим муассасасида муҳандислик, электрон муҳандислик ва информатика, ахборот хавфсизлиги, архитектура, дизайн, бизнес бошқаруви каби ёналишлар бўйича таълим берилиши кўзда тутилган.
Қайд этиш лозим, Кукмин университетига 1946 йилда асос солинган бўлиб, бугунги кунда унинг таркибида 15 та факултет фаолият юритиб келмоқда.
02.03.2020 07:16
Ангрен шаҳрида Жанубий Кореянинг Кукмин университети очилади
