Эрон парламентининг 100 нафар аъзоси COVID-19 аниқлаш учун тест топширишган, уларнинг 5 нафарида таҳлил натижалар ижобий чиққан. Бу ҳақда Эрон Қонунчилик президиуми раиси Асадулло Аббосий маълум қилди. ОАВ томонидан парламент депутатларидан бири — Муҳаммад Али Рамазоний Дастак коронавирусдан вафот этгани ҳақида хабарлар тарқаган.
Сўнгги маълумотларга кўра Эронда 593 киши коронавирусни юқтириб олган, 43 киши эса вафот этган.
Эрон ҳукумат вакиллари орасида коронавирус эпидемияси соғлиқни сақлаш вазири ўринбосари Ираж Харирчи касалланганидан кейин бошланди. Шундан сўнг Эрон вице-президенти Маъсума Эбтекарда ҳам коронавирусга чалингани айтилганди.
