Ўтган дам олиш кунларида Голливуднинг машхур юлдузларидан бири, “Кариб денгизи қароқчилари” фильмининг бош қаҳрамони Жонни Деппнинг қўллари чуқур жароҳатланди.

Ушбу ҳодиса Австралияда, “Кариб денгизи қароқчилари 5” фильмининг суратга олиш ишлари жараёнида содир бўлган. Жароҳат олганидан сўнг Депп ўзининг шахсий самолётида Лос-Анжелесга йўл олган.

Бу ерда унинг қўли устида жарроҳлик амалиёти ўтказилиши кутилмоқда. Маълумотларга қараганда, жарроҳлик амалиётидан кейин Жонни Депп икки ҳафтагача суратга олиш майдончасига қайта олмайди.

Бу эса режалаштирилган съемка ишларининг кечикишига сабаб бўлади. Ушбу фильм 2017 йили омма эътиборига намойиш этили кутилмоқда.