Хабарингиз бор, WBA, WBO ва IBF версиялари бўйича жаҳон чемпиони Владимир Кличко навбатдаги жангда мағлубият нималигини билмай келаётган америкалик Брайант Женнигсга қарши рингга кўтарилади. Мазкур жанг олдидан ака-ука Кличколар расмий фан-клуб ташкил этишмоқчи, дея маълумот бермоқда sports.uz нашри.
Эслатиб ўтамиз, украиналик боксчи ўзининг АҚШдаги сўнгги жангини 2008 йил 23 февралда ўтказган. Кличко ўшанда россиялик чарм қўлқоп устаси Султан Ибрагимов устидан ишончли ғалаба қозонган эди. 7 йиллик танаффусдан сўнг боксчи яна Америка рингига қайтмоқда.
Кличко - Женнингс жанги АҚШнинг Нью-Йорк шаҳрида 25 апрель куни бўлиб ўтади.
