2015 йилнинг февраль ойида Хитой кинопрокатлари илк бор АҚШ кинопрокатларини даромад борасида ортда қолдирди. Бу ҳақда kun.uz нашри The Hollywood Reporter маълумотлари асосида хабар бермоқда.
Хитойдаги Янги йил байрами томошабинларни кинотеатрларга ташрифи сонини кескин оширди. Бунинг оқибатида Хитойдаги касса йиғими 650 млн долларни ташкил этди. АҚШда эса бу кўрсаткич 640 млн долларни ташкил қилган.
Хитой прокатида энг катта қизиқиш касса йиғими 104 млн долларни ташкил этган “Макаулик одам 2” фильмига бўлган. Ундан кейинги ўринларни Жеки Чан, Жон Кьюсак Эдриен Броуди иштирокидаги “Dragon Blade” (95 млн доллар) ва “The Wolf Totem” (72 млн доллар) картиналари эгаллаган. Фильмларнинг кўпчилиги Хитойга ёки Хитой билан ҳамкорликда ишланган. Хориж фильмлари орасида энг кўп кўрилгани “Хоббит: Беш лашкар жанги” фильми бўлган.
