Бугун, 2 март куни боксчиларимиз “Странжа” турниридан қайтишди. Хабар берганимиздек, Болгария пойтахти София шаҳрида бўлиб ўтган бокс бўйича анъанавий “Странжа” халқаро турнирида Ўзбекистон терма жамоаси чарм қўлқоп усталари 6 та олтин, 2 та кумуш, 1 та бронза медалини қўлга киритишган эди.
Бугун эрта тонгда терма жамоамиз делегацияси ўз тарихида 66-бор ташкил этилган мазкур халқаро турнирдан юртимизга қайтиб келди. Финалда иштирок этган Фазлиддин Ғоибназаров озарбайжонлик рақиби Лоренцо Сотомайорга имкониятни бой бериб қўйди. Элшод Расулов эса жароҳат сабаб рингга чиқмади ва табиийки, ғалаба болгариялик боксчига тақдим этилди. Бу ҳақда olamsport.com нашри хабар беради.
ФИНАЛ ЖАНГЛАРИ НАТИЖАЛАРИ
49 кг. АБДУЛЛА ҚЎЧҚОРОВ (Ўзбекистон) – Давид Алавердиан (Исроил) 2:1
52 кг. ШАҲОБИДДИН ЗОИРОВ (Ўзбекистон) – Жек Бэйтсон (Англия) 3:0
56 кг. МУРОДЖОН АҲМАДАЛИЕВ (Ўзбекистон) – Жанболат Тилегенулу (Қозоғистон) 3:0
60 кг. Самвел Барсегян (Арманистон) – Элвин Исаев (Озарбайжон) 1:2
64 кг. ФАЗЛИДДИН ҒОИБНАЗАРОВ (Ўзбекистон) – Лоренцо Сотомайор (Озарбайжон) 0:3
69 кг. Семён Чамов (Беларусь) – Яровлав Самофайлов (Болгария) 1:2
75 кг. БЕКТЕМИР МЕЛИҚЎЗИЕВ (Ўзбекистон) – Мишель Ориелли (Ирландия) 3:0
81 кг. ЭЛШОД РАСУЛОВ (Ўзбекистон) – Радослав Панталеев (Болгария) -:+
91 кг. РУСТАМ ТЎЛАГАНОВ (Ўзбекистон) – Геворг Манукян (Украина) 3:0
+ 91кг. БАҲОДИР ЖАЛОЛОВ (Ўзбекистон) – Камшибек Кункабаев (Қозоғистон) биринчи раундда техник нокаут
Финалда энг кўп иштирокчига эга бўлган Ўзбекистон терма жамоаси якунда ҳам умумжамоа ҳисобида биринчи ўринни эгаллади. Кучли учликдан Озарбайжон ва Болгария терма жамоалари жой олишди.
