Бугун, 1 октябрь куни Россия Федерацияси Федерал Мажлиси Федерация Кенгаши Раиси Валентина Матвиенко расмий ташриф билан Ўзбекистонга келди, дея хабар бермоқда Ўзбекистон Олий Мажлиси Сенатининг Ахборот хизмати.
Мартабали меҳмонни Ислом Каримов номидаги “Тошкент” халқаро аэропортида Ўзбекистон Республикаси Олий Мажлиси Сенати Раиси Танзила Нарбаева, Ўзбекистон Республикаси ташқи ишлар вазирининг биринчи ўринбосари Илҳомжон Неъматов, Россия Федерациясининг Ўзбекистондаги Фавқулодда ва Мухтор Элчиси Владимир Тюрденев ва бошқа расмий шахслар кутиб олди.
Ҳурмат белгиси сифатида Валентина Матвиенкога гулдаста тақдим этилди.
