Бир йилда мавжуд 365 кун деярли ҳар куни бирор бир ғаройиб ходиса юз беради. Аммо улар ичида айнан янги йил арафасида амалга ошириладиган ғаройиботлар алоҳида аҳамиятга эга. Чунки йилнинг бошқа кунларида кунига битта антиқа ходиса юз берса, рекорд ўрнатилса, айнан янги йил кунлари бир неча ўндан ортиқ ғаройиботларнинг гувоҳи бўлишимиз мумкин бўлади. Келинг, бугунги саҳифамизда айнан шундай рекордлар билан бирма-бир танишиб чиқсак.
ЭНГ КЎП ЯНГИ ЙИЛ ЧИРОҚЛАРИ ЎРНАТИЛГАН УЙ
Австралиялик эр-хотинлар Дэвид ҳамда Джанеан Ричардсарнинг уйи Гиннеснинг рекордлари китобидан ўрин олди. Чунки айнан янги йил арафаси улар биргаликда 33 1038 дона чироқчалар билан ўз уйларининг турли жойларини безаб чиқишган. Уларни бирваракайига ёққанда эса жуда гўзал кўриниш хосил бўлади.
ЭНГ ҚИММАТ ЯНГИ ЙИЛ АРЧАСИ
Хитойнинг Тsunamachi Misui Club деб номланмиш клубида Piaget Japan компанияси томонидан ўрнатилган арча дунёдаги энг қиммат арчалардан бири деб тан олинган. Ушбу арча 83 дона заргарлик буюмлари билан безатилган бўлиб, уларнинг умумий нархи 1357785000 япон йенини, яъни 10,4 миллион евро ёки 16 миллион АҚШ долларини ташкил этади.
ЭНГ КАТТА СУВДА СУЗУВЧИ АРЧА
Бразилиянинг Рио де Женейро шаҳрида сувда сузиб юриш учун мўлжалланган катта тахта устига ўрнатилган 85 метрлик арча сувда сузиш учун мўлжалланган энг баланд арчадир. Ушбу арча Bradesco Seguros e Previdência компанияси томонидан ишлаб чиқарилган ва ўрнатилган.
ЭНГ КАТТА ЯНГИ ЙИЛ ЮЛДУЗИ
Ҳиндистоннинг Apple A Day Properties компанияси томонидан яратилган ушбу юлдузнинг баландлиги 31,59 метр бўлиб у 2009 йилнинг 31 декабрида ўрнатилган.
ЭНГ КАТТА СОВҒАЛАР ҚОПИ
Буюк Британиянинг Лондон шаҳрининг болалар хуқуқларини ҳимоя қилувчи жамияти бўлмиш Children’s Society томонидан яратилган янги йилда совғалар учун мўлжалланган совғалар қопининг узунлиги 32,56 метрни, қалинлиги эса 14,97 метрни ташкил этади.
ЭНГ КАТТА “САНТА-КЛАУС”
Сингапурнинг Tanglin Mall супермаркети кираверишида жойлаштирилган Санта Клаус дунёдаги энг катта Санта Клаус деб тан олинган. Унинг бўйи 15,6 метр, эни 11 метрни, қалинлиги эса 4 метрни ташкил этади. Оғирлиги қарийб 2,5 тоннани ташкил этувчи ушбу гигант Санта Клаус металл ҳамда пинопластдан яратилган.
ЭНГ КАТТА ЯНГИ ЙИЛ КАЛЕНДАРИ
Буюк Британиянинг Лондон шаҳри, Сант-Панкрас вокзалида ўрнатилган календарь дунёдаги энг йирик календарь сифатида Гиннеснинг рекордоари китобидан жой олган. Унинг баландлиги 71 метр, эни эса 23 метрни ташкил этади.
ҚОРБОБОЛАР КОЛЛЕКЦИЯСИ
Канадалик Жан-Гай Лакер йиғган қорбоболарнинг сони жиҳатидан дунёдаги сувенир қорбоболар жамланган энг катта коллекциянинг эгаси саналади. Хозирда унинг коллекциясида 25 104 та қорбобонинг сурати туширилган турли жиҳозлари, 2 360 хайкалчалар, 2 846 дона қорбобо акс этган янги йил табрикномалари, 33 давлатнинг карточкалари, 1 312 дона салфетка ҳамда 241 декоратив тақимлар (значок) мавжуд. У ҳам энг катта коллекционер сифатида Гиннеснинг рекордлари китобига кирган.
ДУНЁДАГИ ЭНГ “КЕКСА” АРЧА
Буюк Британиянинг Чиппенхэма номли шаҳрида яшовчи Джанет Паркер ҳар йили битта арчани безатади. Ушбу арча Джанетнинг бувисининг онасидан ёдгорлик бўлиб, у 1988 йилда харид қилинган ва илк бор арча ўйинчоқлари билан безатилган.
ЯНГИ ЙИЛ ҲАҚИДАГИ ЭНГ КАССАБОП ФИЛЬМ
Янги йил мавзусида олинган филмлар ичида “Гринч янги йилни қандай ўғирлади” (2000) фильми энг кассабоп фильм сифатида машхур. Ушбу фильмнинг бюджети 123 миллион АҚШ доллари деб баҳоланган, соф фойда эса 340 миллион АҚШ долларини ташкил этган.
2 ДАҚИҚАДА 27 ТА АРЧА
Гиннеснинг рекордлари китоби ҳодимлари томонидан ўтказилган энг чаққон арча кесувчи танловида Америкалик Эрин Лавуа биринчи ўринни олиб ушбу киотбга киритилган. Сабаби у бор йўғи 2 дақиқада 27 та арчани кесишга муваффақ бўлган.
7 514 НАФАР ҚОРБОБО БИР ЖОЙДА
АҚШнингЖанубий Каролина штатидаги катта майдонларнинг бирига айнин янги йил куни 7 514 нафар қорбоболарнинг йиғилиши катта шов-шувларга сабаб бўлган ва улар Гиннеснинг рекордлари китобидан жой олишган.
Умида Якубова тайёрлади
