Бир қараганда Муҳсин Жўраев ва Нигора Раҳмонова бахтли оилалардан бири эди. Ҳамма орзу қиладиган замонавий икки қаватли уй, автомашина... Нима бўлди-ю, эр-хотин ўзаро келишмовчилик туфайли келишмай қолди. Турмушидан орттирган буюмларни ўртада бўлишга тушишди. “Ласетти” русумли автомашинага келганда, Муҳсин ва Нигора ўзаро бўлиша олмади.
Бу борада Нигора Раҳмонова судга мурожаат қилди. Фуқаролик ишлари бўйича Пешку туманлараро судининг 14.08.2019 йилдаги ижро ҳужжатига асосан “Ласетти” русумли низоли автомашина юзасидан М.Жўраевдан компенсация тариқасида30 000 000 сўм ундириш белгиланди. Бюронинг Пешку тумани бўлими томонидан ижро ҳаракатлари давомида қарздор М.Жўраевдан 30 000 000 сўм ундирувчи М.Раҳмонова фойдасига ундирилди. Оилада эр-хотин бахтли турмуш кечиришига нима етсин?
