Машҳур француз актёри Ален Делон ҳаёти давомида йиққан қуролларини сотувга қўйди, дея хабар беради ТАСС нашри.
Бугун, 1 декабрь куни ушбу қуроллар париждаги Cornette de Saint Cyr аукцион уйида сотувга қўйилмоқда. Ален Делон қуролларни жуда яхши тушунади, айнан ана шу хислати уни ўз ролларини маҳорат билан ўйнашига кўмак бергани аниқ. Аукционга қўйилган қуроллар ичида Purdey русумидаги қурол, Holland & Holland компанияси маҳсулотлари, айниқса аукцион иштирокчиларини қизиқтириши аниқ.
Шунингдек, унда актёрнинг ўз ролларини ижро этиш вақтида кийган кийимлари ва бир қатор бошқа анжомлар ҳам сотувга қўйилган.
